Slimkicker

Slimkicker er síða sem ég hef nýlega fundið. Þetta er svpað og Fitocracy síðan sem ég benti á um daginn, nema þessi er með meiri áherslu á að skrá hvað maður borðar. Þarna er þá líka hægt að tengjast kunningum, skrá sig í hópa og taka þátt í keppnum. Það lítur út fyrir að margar síður ætli að reyna að fara social-media leiðina til að ná árangri. Stig eru gefin fyrir góðan árangur og fyrir að taka þátt í keppnum.

Mögulegt að skrá sig í nokkrar skemmtilegar keppnir, til dæmis að borða holla fitu á hverjum degi í 7 daga. Næstu viku þar á eftir var keppnin að borða bara 80% af mettun, sem sagt, ekki að borða sig stútfullan heldur að hugsa um hvað er verið að borða. Þótt ég hafi ekki farið eftir þessu að öllu leyti, og ekki skráð hvað ég borðaði þá vikuna, var þetta samt alltaf í huganum, og þannig hafði það áhrif. Eftir vikuna er ég svo spurður, samviskusamlega, hvort ég hafi klárað þessa keppni.

Ég hef prófað aðrar svona síður og einhver forrit í símann, en það virðist vera þægilegra að setja inn á þessa síðu. Ég á samt ekki von á að ég muni vera allt of duglegur að setja inn á þessa síðu, en maður veit aldrei.